CEED Македонија

ЦЕНТАР ЗА РАЗВОЈ НА ПРЕТПРИЕМАЧИ И МЕНАЏЕРИ – CEED МАКЕДОНИЈА ДООЕЛ

CEED Македонија (Центар за развој на претприемачи и менаџери) е дел од меѓународната мрежа на CEED претприемачки центри основани од страна на Агенцијата на САД за меѓународен развој УСАИД и американскиот фонд за инвестиции СЕАФ за акцелерација на развојот на малите и средните претпријатија во Источна и Југоисточна Европа.

CEED Македонија е основан во Септември 2007година како трет од четиринаесетте CEED центри лоцирани во САД, Словенија, Бугарија, Босна и Херцеговина, Романија, Албанија, Косово, Србија, Ерменија, Молдавија, Бангладеш, Тунис и Мароко.

Во текот на деветте години од работењето, CEED Македонија успеа да се позиционира на македонскиот пазар како уникатен и иновативен давател на услуги за бизнис поддршка кои креираат програми за менаџмент и лидерство како и програми за личен развој и бизнис консултантски услуги.

CEED Македонија управува со единствениот CEED Бизнис и едукативен клуб во кој повеќе од 500 претприемачи и менаџери, кои водат успешни и економски моќни македонски компании, имаат можност да ја зголемат продажбата и извозот како и да напредуваат во својата работа преку размена на корисни информации и веќе докажани искуства.